Tuddsa

Takadimit tettekka ɣef imussnawen s umata, iqeddacen n wesmel-ines d tuddsa-ines, d imaslaḍen-is.

Imenzayen-ines:

1- Takadimit taqbaylit d talaykit. Takbabt-is d takbabt n Tmurt taqbaylit.

2- Takadimit taqbaylit d tuddsa iqeddcen war tedrimt i Teqbaylit, seg ul akked nnican.

3- D annar n temlilit gar imussnawen n tesnilest, imussnawen s umata, iselmaden, iseklanen, inedbalen, imsidag d imsuqqlen, d wid akk iḥemmlen tasnilest d tutlayt taqbaylit.

4- Takadimit tessawal i uṛeṣṣi n tira-s.

5- Tessishil inejmuɛen d temliliyin.

6- Tekkat amek ad tefru tilufa icudden ɣer tira, tajeṛṛumt, neɣ tasnilest s umata. D umtawi gar iqeddacen n tutlayt Taqbaylit.

7- Tettak afud i yiqeddacen n tutlayt taqbaylit.

8- Tqeddec i wesdukkel n yeqbayliyen akk, wid yellan deg tmurt d wid yellan beṛṛa, i lmend n Teqbaylit. Yiwet n tutlayt i yiwen n weɣṛef.

9- Tettheyyi u tqeddec i wesbeddi n wahil n uɣerbaz aqbayli.

10- Tettak-d udem icebḥen i Teqbaylit.

11- Tettak-d isallen i d-iteffɣen ɣef tutlayt d tsekla taqbaylit.